Një 36-vjeçar është arrestuar në Selanik pasi akuzohet se ka kryer akte seksuale ndaj një djali 9-vjeçar dhe për ta “shpërblyer” i ka dhënë për të pirë kanabis.
Mediat greke bëjnë me dije se ngjarja ka ndodhur në mars të vitit 2021, në Evosmos dhe janë raportuar në polici kur i mituri (11 vjeç sot) i ka treguar nënës së tij se çfarë kishte ndodhur. Në kuadër të hetimeve paraprake policore, i mituri është marrë në pyetje nga psikologu i fëmijëve, duke konfirmuar denoncimin e tij .
Sipas asaj që është bërë e ditur, viktima është nipi i (ish) partneres së 36-vjeçarit (me origjinë nga Pakistani) dhe për shkak të kësaj marrëdhënieje ai hynte e dilte shpesh në shtëpinë e tezes . Gjatë gjithë kësaj kohe i akuzuari ka mbetur i zhdukur. Ndërkohë, ai ishte tashmë në kërkim për përfshirje në një çështje të trafikut të paligjshëm të emigrantëve, i dënuar nga Gjykata e Apelit Penal të Selanikut me një dënim me shumë vite burg.
Pas denoncimit të të miturit, autori është arrestuar dhe po gjykohet për rastin.
